| Quotation |
porro si tibi contigerit habenti in occulto bonum tuum et latenti inter ziphaeos, habenti etiam in
occulto promissionem mercedis tuae, aliqua sublimitas saeculi, noli extolli; nam si elatus ex illa fueris,
cades in florem ziphaeorum.
sic enim mulier quaedam sancta esther in illo tunc populo iudaeorum, cum esset uxor regis
alienigenae, uentum est ad periculum ciuium, ut deprecaretur regem pro ciuibus suis; coepit orare, et
in ipsa oratione confessa est illa omnia insignia regalia sic sibi esse uelut pannum menstruatae.
si haec mulieres possunt, uiri non possunt? et si haec potuit mulier iudaea, non poterit ecclesia
christiana? |
