| Quotation |
ipse ioseph oues sunt, et ipse ioseph ouis est.
audito ioseph, quamquam et interpretatio eius nominis multum iuuet; significat enim augmentum, et
ideo utique uenit ille, ut mortificatum granum multipliciter surgeret, hoc est, augeretur populus dei;
tamen ex eo quod iam nostis contigisse ioseph, ueniat in mentem a fratribus uenditus, ueniat a suis
exhonoratus, apud alienigenas exaltatus, et intellegetis in cuius grege esse debeamus, simul cum illis
qui iam dirigunt cor suum, ut lapis reprobatus ad aedificantibus fiat in caput anguli, tenens duos
parietes de diuerso uenientes, sed in angulo concordantes. |
