| Quotation |
Ostenso qui non sunt admittendi ad esum agni, consequenter ostendit qui sint admittendi, generaliter
pronuntians quod omnis coetus filiorum Israel faciet illud, id est sacrificabit phase, vel observabit
quod supra dictum est.
Quod autem de solo servo dixerat, nunc de alienigena et advena et mercenario intelligendum
insinuat, nomine peregrinorum omnes indicans qui non fuerint de coetu filiorum Israel.
Si quis, inquit, peregrinorum in vestram voluerit transire coloniam, hoc est in cultum religionis
vestrae, et facere phase Domini, circumcidetur prius omne masculinum ejus, hoc est omnis masculus
de domo ejus. |
