| Quotation |
'Mutares', inquis, 'verba, mutares sententiam', nimis arroganter quidem, nimis precipitanter ista.
Qui michi arrogantie nomine derogabas, cavere tibi debuisti ab illa, qui sententiam me mutaturum
scribebas, a tali precipitio supersedere potueras: ad mutanda enim verba in hasta et clipeo, in quibus
populum dei ille alienigena conterrebat, in gladiis et fustibus, in quibus inconterrita comprehensa est
tamen, quia voluit, dei virtus et dei sapientia, cogere potuit conditionis humanae inbecillitatem
humana malicia, ad mutandam autem sententiam sola sufficit divinae manus omnipotens efficatia,
nec putare poteris, si veritatem ipsam insistas, apostolum Petrum, quando cepit detestari et iurare
quia non novisset hominem, de domino mutasse sententiam. |
