| Quotation |
Hoc Esdras propheta significare curavit, qui barbam suam evulsit cum dolore carnis, quia deperire
religionem sentiebat cum dolore mentis: sedens et merens evellebat barbam suam ut ostenderet
quantus illi dolor erat in mente, qui de mento suo radices eradicabat barbae: cum audissem, inquit
Esdras, sermonem istum, et caetera.
Quem sermonem, nisi religionem quam docuerat filios Israel deperisse, quia contra dei legem, quam
acceperant, uxores alienigenas ducebant et cultu divinae religionis contempto ad idolatriam videbat
illos et dolebat reflecti?
Dic Esdra, dic quid fecisti cum evulsisti barbam tuam, cum sit nimius dolor barbam evelli? |
