| Quotation |
Nos ergo pauperes et peregrini oneri forsitan et fastidio vobis videamur esse
propter nostram multitudinem et inportunitatem et clamositatem; sed tamen vos, quos Deus sustentatores nostros constituit, quantum patienter sustinueritis, sicut scriptum
est: 'Ab inope non auferas oculos tuos propter iram', quantumque libenter propter Deum susceperitis, tantum vera et indeficientia vobis bona succrescent. Ecce etiam iste Saxo ill., inops alienigena, ad vos similiter recurrit postulans elemosynam; quia ipse tantundem a vel iam amplius in angustia et in indigentia est positus, nec a quoquam sperat adiutorium aut consolationem praeter vos, antequam
perveniat ad suum seniorem dominum regem. |
