| Quotation |
Nam quae carnis dumtaxat est, non magis est hominum quam brutorum, quae, quia rationis expertia
sunt et uirtutis ignara, non reminiscuntur quod nata sunt, legitimos obliuiscuntur affectus, et quo
prouectior fuerit aetas, eo longius recedunt a natura et inutiles carnis sequuntur appetitus.
Expertus experto loquor, qui ueram cognationem a carne desertus et sanguine inter alienigenas
repperi.
Tu ergo cum michi sanguine (quod facies ipsa conuincit) iunctus sis, et caritate (quod tum multa tum
inauratus iacinctus cotidie probat) alios antecedas, quem praeferam tibi? |
