| Quotation |
In epistola sua beatus Iohannes orari mandat pro fratre, qui non habet peccatum usque ad mortem, id
est qui non ad extremum uitae finem peccatorum suorum mala fuerit subsecutus.
Quod manifeste liber Eszdrae declarat, in quo refertur quod non solum plebs uulgi uerum etiam
sacerdotalis et leuitica familia alienigenarum feminarum coniugiis post reditum de Babylone illicite
fuerat copulata.
Qui tamen omnes, accipientes consilium Eszdrae et reicientes mulierum alienigenarum consortia,
peccato eodem caruerunt. |
