| Quotation |
Ecce rex tuus uenit tibi mansuetus.
Tuus, inquit, non extraneus, non alienigena sicut Herodes, sed proprius tibi; si intellexeris ueniet tibi,
si non intellexeris ueniet contra te; id est si intellexeris, ueniet ut saluet te et sub pedibus tuis subiuget
gentes, si autem non intellexeris, ueniet ut perdat te et de templo sanctitatis expellat, et aliam sponsam
castiorem de gentibus inducat in cubiculum sanctitatis, tamquam dicat propheta Iudaeis
exspectantibus aduentum saluatoris: uultis cognoscere qualitatem et mansuetudinem regis uestri
quem praestolamini? |
