| Quotation |
Hoc et in illo beato centurione, de quo dictum est: Non inueni tantam fidem in Israel; hoc in gentibus
quae circa passionem dominum uidere desiderabant, considerari apertissime potest.
Ait enim: Non est inuentus qui rediret et daret gloriam Deo, nisi hic alienigena, tamquam diceret:
ciues me oderunt, alienigenae complectuntur; Iudaei persequuntur, gentes ambiunt et uenerantur; hi
laborant ut post tot beneficia perimant, illi certant ut de perceptis gratias agentes maioribus digni
exsistant. |
