| Quotation |
Translato igitur ad caelestia regna sancto patre Wandregisilo post multiplices saeculi labores et in loco regiminis coenobii Fontanellae subrogato venerando Lantberto abbate, eodem tempore sanctus presbyter et anachorita Condedus, genere Britto, natus in Oceani insula Brittannica, cui quondam Albion nomen fuerat, artioris vitae ardore succensus et peregrinationis amore incitatus et sanctorum conversatione instigatus, relicta prefata insula, propria videlicet patria, ob caelestis patriae amorem, Galliarum devenit in partes. |
