| Quotation |
Quando uenit Christus? Item, quando uenit? Dicat Iacob in benedictionibus patriarcharum: Non
deficiet princeps de Iuda, nec dux de femoribus eius, donec ueniat qui mittendus est, et ipse erit
expectatio gentium.
Tunc ergo uenit, quando, per ambitionem succedente in regno Herode alienigena, defecit in Israel
princeps de Iuda, in quo defectu aduenit ille qui mittendus erat, quem gentes et populi expectabant.
Item in Daniele, ad se loquente angelo: Daniel, animaduerte sermonem et intellege uisionem. |
