| Quotation |
Adiuncti sunt eis Cumani, Amazones et alie gentes, christianorum quoque refuge et dampnaticii, et factus est inimicorum Dei exercitus infinitus, ex omni populo et natione collectus. Invaserunt igitur Hungarie partes, Boemiam Poloniam et finitimas regiones, omnia vastantes, nulli hominum parcentes, senes et iuvenes, divites et pauperes, mulieres cum parvulis interficientes, matronarum et virginum pudicitie incredibiliter ocentes, conmessationibus, luxuriis, inmunditiis intra templa Deo sacrata vacantes, villas et ecclesias, oppida et cenobia paris in destruendo habentes. |
