| Quotation |
R.: Sub lege Christi uiuo, quia christianus sum. Item: Quid interpretatur christianus? R.: Uocantur autem christiani diriuatiuo modo uocabulo ex nomine Christi, nam sicut ex Iude nomen uocabulo traxerunt Iudei, a quo in illa gente regie stirpe dignitatis claruit, ita a Christo christiani gentes nomen inhesit; cuius est in gentibus et in Iudeis prorogatiua dignitas potestatis. Interrogatio: Pro quod est homo baptizatus? R.: Propter illa .vi. peccata quod commisit Adam; id est: 'superbia', 'sacrilegium', 'omicidium', 'fornicationem', 'furtum', 'auariciam'. |
