| Keywords |
|
| ID |
4355 |
| Text |
In Epistulam Pauli ad Romanos explanationum libri (101 - 300) Origen of Alexandria |
| Quotation |
Inuenimus in Genesi scriptum primo de circumcisione mandatum cum responsa darentur ad Abraham hoc modo: 'et dixit Deus ad Abraham: tu autem testamentum meum seruabis tu et omne semen tuum post te in generationes suas; et hoc est testamentum quod disposui inter me et uos et inter me et inter medium seminis tui post te in generationes eorum; circumcidetur omne masculinum uestrum et circumcidetis carnem praeputii uestri et erit in signo testamenti inter me et uos. Et puer octaua die circumcidetur uobis omnis masculus in generationibus uestris, uernaculus et pecunia emtus ab omnibus filiis alienigenarum qui non est ex semine tuo circumcisione circumcidetur uernaculus domus tuae et pecunia comparatus a te, et erit testamentum meum super carnem uestram testamentum aeternum. Et incircumcisus masculus qui non fuerit circumcisus in carne praeputii sui die octaua exterminabitur anima illa de genere suo quia testamentum meum dissipauit'. |
| Translation |
|
| Quotation source |
Vol. 16, Lib. 2, Cap. 9 (p. 154, lin. 161) |
| Associated use case(s) |
|
| Comment |
|
