| Quotation |
Sic enim in eo scriptum est: Seruiuit Israhel Domino cunctis diebus Iosue, et seniorum, qui longo post eum uixerunt tempore, et qui nouerant omnia opera Domini, que fecerat in Israhel, utique principes et iudices qui post eum Israheli principati sunt designans. Huic Iudicum libro et sepe nominati Psalmi auctoritatis testimonium dant, cum alienigenas et in illo iudicum tempore oppressores populi Dei ex parte enumerant. Nam sic in eis legitur: Simul aduersus te testamentum disposuerunt, tabernacula Ydumeorum et Ismahelite, Moab et Agareni, Gebal et Amon et Amalech alienigene, cum habitantibus Tyrum. |
