| Quotation |
Nec uacat quod Mannasses in Aegypto inter alienigenas natus, merito adoptionis, significationis gratia sexto interseritur loco, Dan autem nullo ut certe uel sic euidentius conprobetur, significationis merito hic omnia geri, non transitorio relatu conponi, ut proprie in Dan iudicans Hebraeorum transeuntium tempus manifestius demonstretur, quod lex caerimoniarum in circumcisione carnalibus uictimis ceterisque talibus gerebatur transisse, tamquam non necessarium cognoscatur, docente apostolo cum dicit: Vetera transierunt, et ecce facta sunt omnia noua, itemque: Reprobatio quidem fit praecedentis mandati, propter infirmitatem eius et inutilitatem. |
