| Quotation |
9. Meus est Galaad et meus est Manasses et Effrem fortitudo capitis mei; Iuda rex meus Moab olla spei meae in Idumeam extendam calciamentum meum mihi allophili subditi sunt Quinquagesimus nonus psalmus continet: mihi alienigene subditi sunt, nunc autem dicit amici facti, significat autem sub Dauid, quia cum essent inimici subditi amici facti sunt, possumus enim intellegere, quia cum multi ex ipsis Iudeis euangelizabant siue proseliti fiebant, sub apostolis uero hi, qui propria uoluntate per disciplinam eorum credebant, ex inimicis amici facti sunt et fratres. |
