| Quotation |
Huius regni anno XXX geminum Caldeorum exercitum Galleciam petiit, quorum unus ducum eorum uocabatur Alahabaz et alius Melih, utrique Alkorescis. Igitur audacter ingressi sunt, audacius et deleti sunt. Von namque tempore unus in loco qui uocatur Naron, alter in fluuio Anceo perierunt. Subsequente itaque huius regni tempore adueniens quidam uir nomine Mahmut, fugitiuus a facie regis Spaniensis Abderrahman, cui reuellionem diuturnam ingecerat ciues quondam Emeritensis, susceptus est clemetia regia in Gallicia ibique per septem annos moratus est. Octauo uero anno, adgregata manu Sarracenorum, conuicinos predauit seque tutandum in quodam castellum, qui uocatur sancta Cristina, contulit. |
