| Quotation |
Ecclesia autem beati Iacobi apostoli ab Yspanis episcopis consecrari facite: et cum eis concilium clebrate: et nos quidem, gloriose rex, sicuti uos a paganis iam constringimur et die ac nocte cum illis bella committimus, sed omnipotens Deus donat [p. 289] nobis de illis triumphum. Huius rei gratia rogamus dilectionem uestram, et animum deprecamur, ut, quia, ut diximus, ualde a paganis opprimimur, aliquantos utiles, et obtimos mauriscos cum armis, quos Yspani kauallos alfaraces uocant, ad nos dirigere non obmittatis, qualiter nos recipientes, Dominum conlaudemus, uobis gratias referamus, et per eorum portitorem de benedictionibus sancti Petri uos remuneremus. |
