| Quotation |
Et iterum uenerunt sarraceni Cordubenses fregerunt Soutos coue. Postea Abderrechman, rex Cordobensis, cum magno exercitu Septimancas properauit. Tunc ostendit Deus signum magnum in celo, et reuersus est Sol in tenebras in uniuerso mundo per unam horam. Rex noster catholicus hec audiens, illuc ire disposuit cum magno exercitu. Et ibidem dimicantibus ab inuicem, dedit Dominus uictoriam [p. 326] regi catholico qualiter die IIa feria inminente festo sancto Justi et Pastoris deleta sunt ex eis LXXXa milia maurorum. Etiam et ipse Aboiahia rex agarenorum ibidem as nostris comprehensus est, et Legionem aduectus et ergastulo trusus quia mentitius est domno Ranimiro regi comprehensus est recto iuditio Dei. |
