Stelle Sed neque Carolus, quem infra Pire...; (Historia Silense (1109 - 1118), (p. 129)) [4812]

Basic Information
Keywords
ID 4812
Text Historia Silense (1109 - 1118) Anonymous - History
Quotation Sed neque Carolus, quem infra Pireneos montes quasdam ciuitates a manibus paganorum eripuisse Franci falso asserunt. Cum enim per XXXIII annos, vt in gestis eiusdem habetur, bellum cum Saxonibus protraheret, venit ad eum [p. 130] quidam Maurus nomine Hybinnaralaby, quem Cesaraugustano regno Abderrahaman magnus rex Maurorum, prefecerat, spondens sese et omnem prouintiam sue dictioni subditurum. Tunc Carolus rex, persuasione predicti Mauri, spem capiendarum ciuitatum in Yspaniam mente concipiens, congregato Francorum exercitu, per Pireneyca deserta iuga iter arripiens, adusque Panpilonensium opidum incolumis peruenit. Quem vbi Pampilonenses vident, magno cum gaudio suscipiunt, eran enim vndique Maurorum rabie coangustiati. Inde cum Cesaraugustam ciuitatem accessiset, more Francorum auro corruptus, absque vllo sudore pro eripienda a barbarorum dominatione sancta ecclesia, ad propria reuertitur. Quippe bellatrix Ispania duro non togato milite concutitur. Anelabat etenim Carolus in termis illis citius lauari, quas Grani ad hoc opus delitiose construxerat. Porro cum in reditu Panpiloniam, Maurorum opidum, destruere conaretur, pars maxima exercitus suy in ipso Pirenso iugo magnas exsoluit penas.
Translation
Quotation source (p. 129)
Associated use case(s)
Comment None