| Quotation |
Propter haec tota Europa laudes eius [i.e. Ethelstani] predicabat, uirtutem in caelum ferebat; felices se reges alienigenae non falso putabant si uel affinitate uel muneribus eius amicitias mercarentur. Haroldus quidam, rex Noricorum, misit ei nauem rostra aurea et uelum purpureum habentem, densa testudine clipeorum inauratorum intrinsecus circumgiratam. Missorum nomina fuere Helmgrim et Osfrid, qui, regaliter in urbe Eboraca suscepti, sudorem peregrinationis premiis decentibus extersere. |
