| Quotation |
Nec mora: fama citat populos, ruit undique turba,
Urbs populosa sonat, iaculatur clamor Olympo;
Pergit in occursum magno comitante triumpho
Plebs, pariter properat laetus maiorque minorque,
Patres ac iuvenes, pueri innuptaeque puellae,
Matres coniunctae matrumque sub ubere nati,
Aetas cuncta volet, laetis resonantibus hymnis
Suscipit egregium patrem; quem planxerat olym,
Abscessisse sua de sede, quievit ab isto
Actu turba. Dehinc socii incubuere serenis,
Iam dapibus, pariter convivia laeta frequentant,
Instructas epulis certant circumdare mensas;
Sicque diem laetum ducunt, dum vesper Olympum
Clausit suadebantque cadentia sidera somnum. |
