| Quotation |
Inditio est regnare polo, cui Tartara saeva
Promittis voluisse: tua est depulsa potestas.-
Talibus attonitus doluit signis Ebroinus;
Haec ait, ex imo rumpens hanc pectore vocem,
His questus lacrimis dicens uxoris ad aures:
"Heu mihi, quid tantum populos celebrare sepulchrum
Audio? quid tantum plebis concursus ad illud
Pervehitur? Verum, coniux, an falsa videntur?
Aestimo falsa magis vulgares ire per aures:
Martyrii dignas talem meruisse coronas;
Talibus auspitiis, credo, est delusa caterva. |
