| Quotation |
Interim dum in hoc tenore propositi accinctus fide, spe munitus, caritate fundatus perseverat, contigit, Deo favente, iubere piis principibus regni Francorum Sigeberto regi et Grimoaldo duci ex voluntate Dei et consilio optimatum suorum, ut construerentur infra forestem monasteria sita in pago qui Ardoinna dicitur, cognominata Malmundarium seu Stabulaus, in quibus commanerent religiosi monachi, qui spiritaliter inibi Christo famularentur et pro statu totius regni et regis salute vel filiorum sive curam regni exercentium omnipotentem Dominum exorarent. |
