| Quotation |
Denique remeans ex Baicariis vir egregius post Germaniae Belgicaeque laboriosum callem tandem pervenit ad quendam virum illustrissimum, opibus et divitiis opulentum famaque secundum saeculi dignitatem praeclarum et aulicis rebus aptum nomine Gundoinum, qui eo tempore apud villam quandam Mosam nomine ob amnem in eo loco defluentem sic appellatam morabatur; qui amnis ex Lingonicis finibus fontem sumens, post multos anfractus crebrosque terrae circuitus Reni velocissimi fluminis in se fluenta ex parte recipiens, Occeano barbarico late ingeritur. (...) Porro, ut assolet et res se habet humana, inter salubria adhortationis verba in colloquio virorum fidelium animi favere pastorum, coepit idem vir Dei sciscitari, utrum eidem viro illustri Francorum orto natalibus soboles adesset. |
