| Quotation |
Quadam vero die Audomarus egregius Christi confessor in Bononia urbe perseverans, post nocturnas vigilias deluculo more suo soleto surgens, in ecclesiam intravit orare, ibique per prolixum estivi diei spatium verbum Dei circumstantibus turbis praedicans missamque christiano populo cantans, egrotis variis generibus morborum manus inponens, meridianis diei horis vitae venerabilis senex lassus sese locavit ad lectum. (...) Tunc subito surgens in ponto seva tempestas, ipsa navicula, undis tumescentibus, quassata, nec gubernacula nec gubernatorem habens, huc et illuc fluctibus errans, natabat in mari, quod magno Brittaniam gurgite secernit a Francis, quod sepe fortissimis mersis hic navibus nocet. (...) Tunc illum per merita Deus Audomari precantem trepidum Saxonicam ilico deduxit ad terram. |
