| Quotation |
Sicut multorum qui ab Hispaniarum partibus ueniunt relatione cognouimus, nuper Herminigildus rex, Leuuigildi regis Wisigotharum filius, ab arriana herese ad catholicam fidem, uiro reuerentissimo Leandro hispalitano episcopo, dudum mihi in amicitiis familiariter iuncto, praedicante, conuersus est. (...) Post cuius mortem Reccharedus rex, non patrem perfidum, sed fratrem martyrem sequens, ab arrianae hereseos prauitate conuersus est, totamque Wisigotharum gentem ita ad ueram perduxit fidem, ut nullum suo regno militare permitteret, qui regno dei hostis existere per hereticam perfidiam non timeret. (...) In Wisigotharum etenim gente unus est mortuus, ut multi uiuerent, et dum unum granum fideliter cecidit ad obtinendam fidem, animarum seges multa surrexit. |
