| Quotation |
Fuit vir venerabilis nomine Killena, quem Scottica tellus de magno edidit genere. Qui etiam a puerili aetate magnum habuit studium sacras discere litteras, et in eis tam perfecte proficiens, ut exinde pontificale didicit regere culmen. Et tunc iam alio vocabatur nomine Kilianus, habens gratiam ad clerum et ad omnem populum, qui etiam in tantum amore christianae religionis impletus, ut quicquid ad animarum lucrum, quicquid ad propagationem fidei pertinere cognoscebat, devota mente et pio operari studio non cessabat. |
