| Quotation |
Quae toxicata doctrina exemploque dissolutionis lactauerat hanc plebem, de qua sermo est, in
abominationibus suis - sicut improperatur ei per Hiezechielem prophetam, cum ait: Fili hominis, notas
fac Hierusalem abominationes suas, et dic ei: Pater tuus Amorreus, et mater tua Cethea.
Quae proculdubio gens Amorreorum crudelitatem suam suadendo eam genuit, filios suos daemoniis
immolare; et gens cethea effeminatas superstitiones docendo nutriuit eam in sceleribus suis.
Matris enim nomen non proprium sed commune est, quod a mammas porrigendo potius quam
generando sortitur. |
