| Quotation |
Equidem ita sentio, peculiarem in studiis causam eorum esse, qui difficultatibus victis utilitatem
iuvandi praetulerint gratiae placendi, idque iam et in aliis operibus ipse feci et profiteor mirari me T. Livium, auctorem celeberrimum, in historiarum suarum, quas repetit ab origine urbis, quodam volumine sic orsum: iam sibi satis gloriae quaesitum, et potuisse se desidere, ni animus inquies pasceretur opere. profecto enim populi gentium victoris et Romani nominis gloriae, non suae,
composuisse illa decuit.
maius meritum esset operis amore, non animi causa, perseverasse et hoc populo Romano praestitisse,
non sibi. |
