| Quotation |
At cum Iesus in Golgotha uenisset, suam crucem iterum baiolauit, ut Iohannes refert.
Et quia ille Simon non Ierusolimita, sed Cyreneus esse perhibetur - Cyrene enim Libyae ciuitas est,
sicut in Actibus apostolorum legimus -, recte per eum populi gentium designantur, qui quondam
peregrini et hospites testamentorum Dei, nunc oboediendo fidei ciues sunt et domestici Dei et, sicut
alibi dicitur, haeredes quidem Dei, cohaeredes autem Christi.
Vnde pulchre Simon 'oboediens', Cyrene 'heres' interpretatur. |
