| Quotation |
Unde illa Raab Ecclesiam significat gentium ad Christum conversam. - Et hoc ipsum significatur per Zachaeum publicanum, qui quaerebat videre Iesum, ut scilicet cognosceret verum Deum; in quo significat populum gentium, sicut et Naaman Syrus, de quo quarti Regum quinto: "Naaman, princeps militiae regis Syriae, dives, sed leprosus", qui veniens ad Eliseum curatus est. Unde et Ioannis duodecimo dicunt gentiles: "Volumus Iesum videre"; sed non possunt tum propter perturbationem phantasmatum, tum propter defectum naturalis lucis, quia hoc est supra rationem; et ideo opus est ascendere per fidem ad cognoscendum eum. |
