| Quotation |
Postquam descripsit iudicii formam respectu omnium, hic consequenter describit eam respectu servorum fidelium.
Et quoniam duplex fuit ordo praedicantium, secundum duplicem parietem Ecclesiae coniunctum per
lapidem angularem, quidam scilicet, qui converterunt populum Iudaeorum, alii vero, qui
converterunt populum gentium: ideo primo describit iudicium remunerativum fidelis servi in
eruditione Iudaeorum; secundo vero, in conversione gentilium populorum, ibi: Et alter venit dicens
etc. Circa iudicium servorum fidelium in conversione Iudaeorum tria introducuntur, scilicet multiplicatio talenti commissi, approbatio superni iudicii et retributio praemii cumulati. |
