Quotation |
Dicitur autem populus gentilis pullus asininus propter stoliditatem ignorantiae; Iob undecimo: "Vir vanus in superbiam erigitur et tanquam pullum onagri liberum se natum putat"; sed alligatus dicitur funibus peccatorum, secundum illud Proverbiorum quinto: "Funibus peccatorum quisque constringitur".
Et his funibus non tantum populus gentium ligatus erat, verum etiam synagoga; unde supra decimo
tertio: "Hanc autem filiam Abrahae, quam alligavit satanas, ecce, iam decem et octo annis, nonne
oportuit solvi a vinculo"?
Et dicitur etiam esse indomitus, quia carebat omni regimine disciplinae Dei. |