| Quotation |
Ideo autem dicitur esse in bivio, quia non sequebatur aliquam certam viam; unde Glossa: "In bivio
ligatus stabat qui non unam fidei vitaeque viam tenebat, sed pluribus erroribus deserviebat"; ideo ad
Ephesios quarto: "Testificor coram Deo, ut iam non ambuletis, sicut gentes ambulant in vanitate
sensus sui, tenebris obscuratum habentes intellectum, abalienati a via Dei per ignorantiam, quae est in
illis". In hoc ergo invenerunt discipuli populum gentium, qui per diversas sectas et vias idololatrabant, secundum illud Ieremiae tertio: "In viis sedebas, quasi latro exspectans eos, et polluisti terram in fornicationibus tuis". |
