| Quotation |
Per fratres seniores significabatur populus Judaicus; per juniorem fratrem Benjamin, qui filius dexterae interpretatur, populus Christianus figurabatur, in cujus sacco scyphum suum argenteum
verus ille Joseph poni praecepit, quando misso desuper Spiritu sancto sacrae mysteria Scripturae
populo Christiano in unitate fidei congregato revelare coepit.
Sicut enim tunc per scyphi illius occasionem reducti sunt fratres Joseph ad familiarem ejus
recognitionem, sic ex sacri mysterio eloquii, quod jam per illuminationem Spiritus sancti repositum est in corde populi Christiani, eveniet, quod populus Judaicus, per seniores fratres designatus, in fine mundi una cum populo gentium, qui tunc inventus fuerit, ad familiarem veri Joseph cognitionem et amorem perveniet. |
