Quotation |
In diebus illis non erat rex in Israel.
Certe quando haec Judaicus populus faciebat, verus Rex Dominus noster Jesus Christus per gratiae
suae praesentiam inter eos non erat, sed Judaeis perfidiae suae meritis exigentibus a gratia expulsis,
tribus Dan querebat possessionem, ut habitaret in ea, id est populus gentium ad Redemptoris sui
fidem venire desiderabat, per quam ad terram repromissionis possent quandoque pertingere. Et bene hoc nomen Dan, quod interpretatur judicium, gentili populo figuraliter ascribitur, quia verum Dei fuit judicium ut, Judaico populo credere in eum recusante, homines gentiles vocaret. |