| Quotation |
Exterminauit ergo eam de agro suo, et terra quam inutiliter occupauerat, germini nobiliori donata est, quae Domino dante benignitatem suo fructuosius in toto orbe terrarum respondet agricolae. Haec itaque pro illa uinea est Domini exercituum, ut domus quoque Israel pro illa dicatur, quia
caecitate sola remanente in illo Israel populus gentium, qui ambulabat in tenebris, uidit lucem
magnam. A uisione ergo uerae lucis ueritatem sibi huius uocabuli uendicauit, cuius se ille umbra adhuc inani obnubilare potest sed occultare non potest. |
