| Quotation |
Incedunt pariter fulgentes ere caterve / Atque ducum cunei, quos inter ductor amandus / Auratis
rutilat longe conspectus in armis, / Ut roseus claro cum surgit Lucifer ortu.
Haud procul a vallo fornix sublimis in agro, / Marmoreis miro constructus scemate saxis, / Contra
Romanam stabat ceu machina Portam, / Quem struxisse datur victo sibi Mediolano / / Gens quondam
Romana, volens per secula famam / Hoc signo durare sui cum laude triumphi.
Hunc modo civilis metuens, ne forcior hostis / Occupet, electos iuvenum conscendere consul / Iusserat
et stantes celsa velut arce tueri. |
