| Quotation |
Fuere etiam alii pestilentes: ut quidam Zeno, et Constantinus, et Anastasius - qui proterve loquens de papa divino fulmine interemptus est - et Valentinianus - qui cum matre sua Iustina regno quo expulsus est, set per Theodosium pium principem recuperatus est - et Basilius, et quidam Leo, et Mauritius, qui cum uxore et filius suis a morte dampnatus est; et alii quam plures, qui sacerdotes Dei inhonorantes, privilegia Romanae aecclesiae auferre molientes, et in presenti vita non quievere et in aeternum periere.
Quorum temporibus et Persarum exercitus Mesopotamiam invasit; et Sarracenorum pessima gens
omnem Affricam et Marmaricam et Lybiam et Aegyptum et Arabiam et Iudeam et Fenicem a Romana
subtraxit ditione. Ab aquilone vero Hunorum feritas et Gothica tempestas et Guandalorum procella omnem vastavit occidentem, quandiu decimum cornu bestiae, Longobardica scilicet rabies, de vagina furoris Domini
extracta, Italicas invasit regiones. |
