| Quotation |
Ad quem rex ille protervus rescripsit, quod, nisi prius ipse summus pontifex ad ipsum personaliter accederet et secum super hiis colloquium haberet, nullatenus easdem redderet civitates. Affectabat enim dolosus rex pontificis adventum, videlicet ut Karlomanni filios, qui una cum matre Bertrada post patris Pippini decessum, relicta Gallia, ad se venerant, in reges inungeret, cupiens in regno Francorum disseminare discordias et ipsum sanctum pontificem a dilectione Karoli Magni regis Francorum separare, ut hoc facto facilius ipsam Romanam civitatem cum tota Ytalia suo dominio subiugaret.
Sed nulla arte ad hoc sapientissimum pontificem adducere potuit.
|
