| Quotation |
Et necesse est ubi figuris agit Spiritus sanctus, nos allegoriae omnimodo deseruire.
Hic ergo "mulieres" omnium gentium quae in hoc mundo sunt multitudinem nominauit; inter quas
omnes nationes, ut regina ornata monilibus - legis uidelicet et sacrificiorum ritus -, quae templo uelut sponsa thalamo utebatur, omnibus pulchrior gens hebraea est nominata. Quae in illa plebe quae Christum cognoscens quasi legitimum uirum in propria domo suscepit, ubi Moyses famulus fidelis laudatur, regina efficitur et sponsa. |
