| Quotation |
Cum ergo facturus <erat> Altissimus fabricam mundi, quam hominibus ad suam imaginem fabricatis ad suam laudem disponebat implere, iam tunc in praescientia ordinauit principes angelorum, quibus
commissae certo numero regerentur gentes. Cum quibus etiam datur intellegi partitas gentium nationes, de quibus, sorte currente, facta est portio eius Iacob, funiculus haereditatis eius Israhel. Qui principes in tyrannidem conuersi, trahente propria uoluntate, magnam partem de eius portione
per idolorum culturam ad suam traxerant portionem. |
