| Quotation |
Emisit enim spiritum, et ecce terra mota est, et petrae scissae sunt, et monumenta aperta sunt, quemque homines uel timore uel perfidia confiteri trepidant hunc durissima etiam elementa deum mundi ac dominum aperto ore praedicant.
Verum altiori mysterio gentium nationes incredulas aliquando ac duri cordis lapidum nomine
demonstrat quibus ablato corde lapideo dedit cor carneum, hoc est sensibile et humanum, quo deum
creatoremque suum credere laudare et cernere possint. Etsi ergo turbae tacuerint hominum, lapides clamabunt quia caecitas ex parte contigit in israhel donec
plenitudo gentium intraret et sic omnis israhel saluus fieret. |
