Quotation |
Ecce, iam seposito omni misterio, materialis illa Iherusalem quanta putamus aliquotiens sub dubietate
et timore se habeat, dum iuxta Ihezechielem in medio gentium se attendit positam et in circuitu suo
gentes, circumiacentium nationum infinitatem, suae urbis considerans paucitatem, et dum barbararum gentium irruptiones indesinenter metuunt, nisi miserabiliter desipiunt numquam absque
dei timoris et amoris gratia sunt, quibus numquam piae affectionis ac precum materiae desunt.
Solet nimirum Omnipotens aculeis adversitatum ad sui recordationem sollicitare suos, solet
titillationibus carnis inurere mentes, ut scilicet, dum ruinam metuunt, votis ac orationibus dei subsidio
semper inveniantur acclines. |