| Quotation |
Erunt signa, id est portenta, in sole, scilicet in Christo, ita ut errantes humanitati saluatoris resistant, et luna, uidelicet in ecclesia, cum heretici ecclesiam impugnare conabuntur, et stellis, id est in sacerdotibus, doctoribus, et spiritali populo, cum a ueritate ad falsitatem declinabunt, et in terris,
scilicet in seculari populo, pressura gentium, uidelicet diuersarum nationum, ita ut errores unius
gentis et prouinciae alteram gentem et prouinciam inficiant et euertant ad infidelitatem, pre
confusione quam emittet sonitus impudice sonantis maris, id est antichristi, qui multas tempestates
errorum educet, et fluctuum, scilicet hereticorum ministrorum ipsius, qui per uniuersum orbem
mendaciis et deceptionibus suis discurrent. |
