| Quotation |
Dicit Donatus "genitiuo tantum plurali", sed notandum ualde est, an contrarium est huic definitioni
Donati, quod non raro in historiis legimus 'stultissimus plebis' et in Virgilio fortissimus gentis
Tidiae et ditissimus agri et 'disertissimus generis Romani '.
Satis quippe facitur huic quaestioni considerantibus nobis non sonum, sed intellectum horum
nominum: 'plebs' etenim et 'gens' et 'ager' et 'genus' sono sunt singularia, intellectu uero pluralia et
diuidua sunt; et ideo genitiuo semper plurali superlatiuum, sed aliquando sono aliquando intellectu
iungi dicit Donatus gradum. |
