Quotation |
DCCLXVII. Orta quaestione de sancta Trinitate et de sanctorum imaginibus inter orientalem et
occidentalem ecclesiam, id est Romanos et Grecos, rex Pippinus conventu in Gentiliaco
villa congregato synodum de ipsa quaestione habuit.
Eoque peracto ad bellum praedictum conficiendum post natalem Domini in Aquitaniam proficiscitur
et per Narbonam iter agens Tolosam adgressus cepit, Albiensem et Gavuldanum pagos in deditionem
accepit.
Et Viennam reversus, postquam ibi et paschalis festi sacra peregit et exercitum a labore refecit, iam
prope aestate confecta mense Augusto ad reliquias belli profectus est; et Bituricam veniens conventum
more Francico in campo egit. |